پاکستان کی معروف گلوکارہ حمیرا ارشد کے شوہر معروف ماڈل و اداکار احمد بٹ گرفتار


Humaira-Arshad
اسلام آباد(مانیٹرنگ ڈیسک)گلوکارہ حمیرا ارشد اور اس کے اہل خانہ پر ساتھیوں کے ہمراہ تشدد اور قتل کی دھمکیاں، معروف ماڈل و اداکار احمد بٹ بھائی اور دو ساتھیوں سمیت حوالات بند۔ تفصیلات کے مطابق حمیرا ارشد اور اس کے اہل خانہ پر ساتھیوں کے ہمراہ تشدد کرنے اور قتل کی دھمکیاں دینے پر شوہر احمد بٹ کو بھائی اور دو ساتھیوں کے ہمراہ پولیس نے گرفتار کر لیا ہے۔نجی ٹی وی سے گفتگو کرتے ہوئے معروف گلوکارہ حمیرا ارشد کا کہنا تھا کہ ان کے شوہر معروف ماڈل و اداکار احمد بٹ نے اپنے مسلح ساتھیوں کے ہمراہ نہ

صرف ان کے گھر پر حملہ کیا بلکہ انہیں اور ان کے گھر والوں کو تشدد کا نشانہ بھی بنایا جبکہ احمد بـٹ انہیں قتل کی دھمکیاں بھی دیتے رہے۔ان کا کہنا تھا کہ احمد بٹ انکے گھر پر قبضہ کر کے اس کو اپنے نام کروانا چاہتے ہیں اور انکا ر پر نہ صرف تشدد کا نشانہ بناتے ہیں بلکہ قتل کر نے کی بھی سنگین دھمکیاں دیتے ہیںاپنے گھر پر حملہ اور تشدد کرنے پر حمیرا ارشد نے ون فائیو پر کال کرتے ہوئے پولیس کو بلا لیا جس پر پولیس نے احمد بٹ ،ان کے بھائی اور 2 دوستوں کو حراست میں لیتے ہوئے مقامی تھانے میں منتقل کرتے ہوئے حوالات میں بند کر دیا ہے جبکہ احمد بٹ اور انکےمسلح ساتھیوں پر حمیرا ارشد کے گھر پر حملہ کرنے ،حمیرا اور اس کے گھر والوں کو تشدد کا نشانہ بنانے پر مقدمہ درج کیا جا رہا ہے ۔واضح رہے کہ ماضی میں بھی کئی بار احمد بٹ اور حمیرا ارشد کے درمیان لڑائی اور صلح ہوتی رہی ہے جبکہ 3 ماہ قبل حمیرا ارشد کا کہنا تھا کہ دو سال قبل احمد نے میڈیا پر آئے بغیر اس سے علیحدگی کے عوض بیس لاکھ روپے کا معاہدہ کیا پھر معافی مانگ لی مگر محبت کے رشتوں کو دولت کے ترازو میں تولنے والے نے اب پھر سے نہ صرف تین کروڑ روپےکا مطالبہ کیا بلکہ میڈیا کے روبرو انکی کردار کشی بھی کی ہے۔حمیرا کا کہنا تھا کہ وہ اپنے بچے کی خاطر احمد بٹ کی ہر بات پر سمجھوتہ کرتی رہی ہے، اگر وہ صبر کرتا تو میرا جو بھی ہے وہ میرے بچے اور خاوند کا ہی تھا ۔یاد رہے کہ اس سے قبل حمیرا ارشد نے خلع کے لئے عدالت سے بھی رجوع کیا تھا لیکن پھر بعد میں صلح ہو گئی تھی۔دوسری جانب احمد بٹ کا کہنا ہےکہ وہ اپنے سات سالہ بیٹے کو لینے کے لئے آئے تھے ،انہوں نے حمیرا یا اسکے گھر والوں پر کوئی تشدد نہیں کیا اور نہ ہی ان کے دوستوں کے پاس کسی قسم کا کوئی اسلحہ ہے ۔