ورلڈ انڈر 18 اسنوکر چیمپئن شپ پاکستان کے نام


2-25-672x350
بیجنگ(مانیٹرنگ ڈیسک) پاکستان کےلئے کھیل کے میدان سے ایک اور شاندار کامیابی کی خبر آگئی۔اس بار پاکستان نے عالمی ٹائٹل اپنے نام کر لیا۔پاکستان کے نوجوان کیوئسٹ نسیم اختر نے ورلڈ انڈر 18 اسنوکر چیمپئن شپ اپنے نام کرلی۔چین میں جاری عالمی ایونٹ کے فائنل میں 16 سالہ نسیم اختر نے فائنل میں میزبان چین کے کیوئسٹ پی فین لی کو 3-5 سے شکست دیتے ہوئے ٹرافی اپنے نام کر لی۔ وہ عالمی جونیئر چیمپئن شپ جیتنے والے پہلے پاکستانی کیوئسٹ ہیں۔ساہیوال سے تعلق رکھنے والے نسیم اختر کو ابتدائی فریمز میں مشکلات کا سامنا کرنا پڑا تاہم انہوں نے پانچویں فریم میں شاندار کم بیک کرتے ہوئے مقابلہ 3-5 سے اپنے نام کیا۔ مقابلے کا اسکور62-20، 68-69، 71-37، 57-19، 06-127، 40-84، 37-61، 08-74 رہا۔واضح رہے کہ ایونٹ میں پاکستان کی جانب سے 2 کیوئسٹ شریک ہوئے۔

پاکستان کے حارث طاہر کو راؤنڈ 16میں نسیم اختر سے شکست کا سامنا کرنا پڑا۔ نسیم اختر اور حارث طاہر اب بدھ سے چین میں ہی شیڈول ورلڈ انڈر 21 چیمپئن شپ میں پاکستان کی نمائندگی کریں گے۔