ارجنا رانا ٹنگا کے بیان پر بھارتی کرکٹرز سیخ پا ہو گئے ۔۔ انہوں نے آکر ایسا کیا کہہ دیا ؟


1500137447dailyausaf
نئی دہلی (آئی این پی)ورلڈ کپ کے سابق فاتح کپتان ارجنا رانا ٹنگا کی جانب سے بھارت اور سری لنکا کے درمیان 2011ء کے ورلڈ کپ کے فائنل کو فکس قرار دینے پر بھارتی کرکٹرز سیخ پا ہو گئے اور حیرت کا اظہار کرتے ہوئے اسے حقائق کے منافی قرار دیدیا۔ تفصیلات کے مطابق بھارتی کرکٹرز اشیش نہرا اور گوتم گمبھیر نے ورلڈ کپ 2011کے فائنل سے متعلق ارجْنا رانا ٹنگا کے تحقیقات کے مطالبے کو حیران کن اور حقیقت کے منافی قرار دیا ہے۔

بھارتی فاسٹ بولر اشیش نہرا کا بیان سے متعلق کہنا ہے کہ اس طرح کی باتوں پر کان نہیں دھرنے چاہیے۔دوسری جانب بھارتی سلامی بلے باز گوتم گمبھیر نے کہا کہ ارجنا رانا ٹنگا کو الزامات کے ثبوت دینے چاہیے۔واضح رہے کہ گزشتہ روز سابق سری لنکن کپتان ارجنا رانا ٹنگا نے نے بیان دیا تھا کہ بھارت اور سری لنکا کے درمیان ورلڈکپ 2011ء کا فائنل فکس تھا جس میں سری لنکا کو بھارت نے نہیں ہرایا بلکہ سری لنکا خود ہارا تھا۔ورلڈکپ 2011کے فائنل میں بھارت نے سری لنکا کو6وکٹوں سے ہرا کر دوسری بار ٹائٹل اپنے نام کیا تھا۔