آسٹریا: ٹرک ہائی وے پر الٹنے سے ہر جانب مرغیاں ، ٹریفک جام


1499237324dailyausaf (1)
اسلام آباد (ویب ڈیسک)آسٹریا میں مرغیوں سے بھرا ٹرک الٹ گیا، ریسکیو اہلکار پنجروں سے بھاگنے والی مرغیوں کو پکڑتے پکڑتے اور شہری، ٹریفک میں پھنسے رہنے سے ہلکان ہوگئے۔زندگی کس وقت کیا امتحان لے لے،کسے معلوم،آسٹریا کے فائر فائٹرز بھی ایسی ہی ایک صورتحال سے دوچار ہوگئے۔جنوبی آسٹریا کے ایک ہائی وے پر مرغیوں سے بھرا ٹرک الٹ گیا، بس پھر کیا تھا، ہائی وے پر ٹریفک کم اور مرغیاں زیادہ نظر آنے لگیں۔ٹریفک جام ہوگیا، حادثے میں سیکڑوں مرغیاں ہلاک ہوئیں اور باقی اپنی جانیں بچا کر بھاگ نکلیں، مرغیوں کو پکڑنے کے لیے فائرفائٹرز پہنچے جنہیں مرغیوں نے خوب تگنی کا ناچ نچایا۔کئی گھنٹوں کی پکڑ دھکڑ کے بعد ہائی وے کو کلیئر کیا گیا، اس دوران شہری مال مفت سمجھ کر مرغیوں کا شکار کرنے کے بجائے، اپنی گاڑیوں میں بیٹھے سڑک کھلنے کا انتظار کرتے رہے۔