بغیر بیٹری کے کام کرنیوالا موبائل فون ایجاد


14نیویارک (نیوز ڈیسک)موبائل فون بیٹری آ پ کی پریشانی کا باعث ہے تو بے فکر ہو جائیں سائنسدانوں نے ایسا فو ن ایجاد کر لیا ہے جو بغیر بیٹری کال اور پیغام رسانی کے کام کرے گا.
تفصیلات کے مطابق اب موبائل بیٹری پر نہیں بلکہ ہوا یا ریڈیا ئی لہروں سے توانائی حاصل کر ے گا،امریکی سائنسدانوں نے انوکھا موبائل ایجاد کیا ہے جس میں بیٹری کی ضرورت نہیں ہو گی بلکہ موبائل ہوائی یا ریڈیائی لہروں سے انرجی حاصل کرتے ہوئے پیغام رسانی کرے گا ، نئے ایجاد کردہ موبائل میں نئی کمیونیکیشن ٹیکنالوجی استعما ل کی گئی ہے جسے بیکس کیٹر کمیونی کیشن ٹیکنالوجی کے نام سے جانا جاتا ہے۔یہ ٹیکنالوجی کے سگنلز کے انعکاس کا استعمال کرتی ہے۔ یہ فون دوسرے سمارٹ فونز کی طرح استعمال نہیں کیا جائے گا نہ ہی اس میں انٹرنیٹ یا وائی فائی جیسی سہولت متعارف کرائی گئی ہے۔ یہ مو بائل صرف کال یاا یس ایم ایس کیلئے استعمال کیا جا سکے گا۔ یہ موبائل فون امریکہ کی یونیورسٹی آف واشنگٹن کے ریسرچر ز نے کئی ماہ کی جدوجہد کے نتیجے میں تیار کیا جس میں صرف کال یا ایس ایم ایس کی سہولت موجود ہے۔