فیس بک ویڈیو کو اب ٹی وی پر چلائیں

166 Views

اگر ویڈیوز دیکھنے کی بات ہو تو یوٹیوب کے بعد سب سے پہلا نام فیس بک کا ہی ذہن میں آئے گا مگر کیا آپ اپنے اسمارٹ فون یا ڈیسک ٹاپ کمپیوٹر پر چلنے والی ویڈیوز ٹیلیویژن پر دیکھنا پسند کریں گے؟

اگر ہاں تو فیس بک نے آپ کے لیے ایک دلچسپ فیچر متعارف کرایا ہے۔

فیس بک نے حال ہی میں ایک بیان جاری کیا، جس میں اس کا کہنا تھا، ‘ہم اپنے صارفین کی پسند کے مطابق ویڈیوز کا تجربہ بنانے پر توجہ دیتے ہیں اور لوگوں نے ہم سے اس حوالے سے مختلف آپشنز فراہم کرنے کا مطالبہ کیا تھا۔’

یہی وجہ ہے کہ فیس بک نے ویڈیوز کو زیادہ سے زیادہ دیکھنے کے لیے اسمارٹ فونز یا ویب ورژن میں چلنے والی ویڈیوز ٹی وی پر چلانے کا آپشن فراہم کردیا ہے۔

فیس بک کے مطابق ایپل ٹی وی یا گوگل کروم کاسٹ جیسی ڈیوائسز کے ذریعے آپ اپنی پسندیدہ ویڈیوز کو بڑی اسکرین پر دیکھنے کا مزہ لے سکتے ہیں۔

فیس بک ویڈیوز ٹی وی پر دیکھنے کا طریقہ درج ذیل ہے۔

اپنے فون یا ڈیسک ٹاپ پر وہ ویڈیو تلاش کریں جو آپ دیکھنا چاہتے ہیں اور پھر اسے اوپن کرکے اس کے اوپر دائیں کونے میں ٹی وی کے سمبل کو کلک کریں۔

اس کے بعد اس ڈیوائس کا انتخاب کریں جو ویڈیو کو ٹی وی پر اسٹریم کرسکے۔

اب فیس بک ویڈیو کو ٹی وی پر دیکھیں۔

فیس بک ویڈیو کو ٹی وی پر دیکھتے ہوئے آپ نیوز فیڈ پر واپس جاکر اسکرولنگ کرسکتے ہیں جس سے اسٹریم ہونے والی ویڈیو پر کوئی اثر نہیں پڑے گا۔

اسی طرح آپ مزید ویڈیو کو بھی اس کی جگہ چلا سکتے ہیں۔

2 comments

  1. say thanks to a lot for your website it helps a whole lot.

  2. Sustain the excellent work and producing in the group!

Leave a Reply

Your email address will not be published.

Skip to toolbar